Landspítali og byggðastefna

Stefnu um rekstur Landspítalans þarf að skipuleggja í tengslum við byggðastefnu. Svo virðist sem margir þingmenn sjái málið ekki í því stærra samhengi eða vilji það ekki; Kæri sig þannig í reynd kollótta um hag fólks á landsbyggðinni.

Til þess að landið haldist í byggð, hringinn í kring, þarf grunnþjónusta eins og heilsugæsla og læknisþjónusta að vera til staðar "innan seilingar" ásamt sjálfbærum atvinnutækifærum og öðru nauðsynlegu í nútímasamfélagi.

Ef heilbrigðisþjónustan fer í burtu af landsbyggðinni til Reykjavíkur í of miklu mæli þannig að óásættanlegt yrði fyrir íbúa landsbyggðarinnar er líklegt að fólkið fylgi líka á eftir um síðir, jafnvel þótt að eignir þess í húsnæði á staðnum sætu eftir fastar eða seldust fyrir slikk. Það er óásættanlegt. Um það yrði engin þjóðarsátt.

Fagnar tillögu um nýjan landspítala

Athugasemdir

[Sleggjan og Hvellurinn, 16.10.2013 kl. 19:45]

Hvað þarf EKKI að vera hugsað útfrá byggðarstefnu???

[Kristinn Snævar Jónsson, 16.10.2013 kl. 20:23]

Ég segi það nú!, Sleggja með Hvelli.
Svari nú þeir þingmenn og aðrir sem eru innlyksa í tilhugsuninni um nýjan ofurspítala í troðningnum niður með Hringbrautinni í Reykjavík; Og annað í þeim dúr.

Viljum við halda Íslandi utan höfuðborgar-svæðisins í byggð í framtíðinni? Ef svo er, eins og ég mæli með og trúi að margir fleiri vilji líka, þá dugir ekki að staðsetja obbann af heilbrigðisþjónustunni á einum punkti í Reyjavík á þeirri forsendu að landsbyggðarfólk sæki þangað mikið af þeirri þjónustu sem það þarf á að halda.
Það ætti að vera sæmilega ljóst, í ljósi fjarlægða í tíma og lengd og óvissum veðurskilyrðum og færð milli staða og tilheyrandi kostnaði.
Þess vegna þarf að skipuleggja uppbyggingu heilbrigðisþjóustunnar um landið sem eina samverkandi heild með viðhlýtandi þjónustu í byggðum landsins með hliðsjón af byggðaþróun.

[Sleggjan og Hvellurinn, 17.10.2013 kl. 20:38]

Skilur þú ekki þau einföldu staðreyndir að það er verið að færa landsspítalann í eitt hús en hann er núna á ellefu stöðum í reykjavík

[Kristinn Snævar Jónsson, 21.10.2013 kl. 23:47]

Það mætti halda, Sleggja með hvelli, að þú sjáir ekki út fyrir borgarmörkin eða viljir ekki líta til hagsmuna annarra en þeirra sem búa í Reykjavík og nágrenni. Eða, hefur þú ekki skilið í hvaða samhengi ég ræði spítalaþjónustu við landsmenn alla í pistlinum og athugasemdunum hér ofar og hvað hangir þar á spýtunni?

[Sigurður Antonsson, 27.10.2013 kl. 09:18]

Stórt land og strjálbýlt kallar á samnýtingu, skynsamlega heilsugæslu og hjúkrun. Forsvarsmenn háskólasjúkrahúss eiga hlut í þróuninni. Þurfa að hafa meiri víðsýni og staðsetja ekki þetta eina sanna í göngufæri við háskólann.

Samkeppni er nauðsynleg í sjúkrahúsabyggingum. Andstaðan við Landspítalann stafar af óþarfa eyðslu og er af sama toga og Gálgahraunsleiðin.

Ný bygging við Vífilstaði sem eru í eigu ríkissjóðs leysir úr brýnustu þörf. Þarf ekki að kosta nein ósköp. Hægt væri að fjármagna hana með því að skattleggja lífeyrissjóðsgreiðslur strax. Peningar sem eru eign ríkissjóðs.