Darren Clarke fékk líka örn

Norður-Írinn Darren Clarke fékk líka örn í morgun 15. júlí, á 7. holu (sem er par 5). Þeir kunna þetta fleiri í reynsluboltaliðinu.

Darren er með 4 undir pari eftir 2. dag mótsins. Gott hjá honum og gangi honum vel. Það væri gaman ef honum auðnaðist að vinna mótið. Hann á greinilega möguleika á því eftir góðan fyrri helming mótsins, ekki síst í ljósi þess að Daninn Thomas Björn feilsteig sig dálítið í dag.

Einnig væri gaman að Furyk næði sér á strik, að ég tali nú ekki um hinn skemmtilega og fyrrum undir-tuttugu-ára efnilega golfara Sergio Garcia.

En, náttúrulega er þetta allt galopið ennþá og margir frábærir kallaðir.

Watson fór holu í höggi

Athugasemdir

[Kristinn Snævar Jónsson, 17.7.2011 kl. 21:43]

Darren Clarke hélt síðan sínu striki alla keppnisdagana fjóra og landaði glæsilegum sigri, þrem höggum á undan næsta manni. Sá var reyndar ekki af verri endanum, eðli málsins samkvæmt, en Phil Mickelson frá eyðimerkurborginni Phoenix í sólardalnum í Arizona kom inn heitur í öðru sæti eftir hástökk í fuglaskori í dag.

Clarke var svalur og og brosmildur allan tímann og sló jafnan langskotin viðstöðulaust af miklu öryggi. Hann brosti bara í kampinn þótt hann missti ítrekað af fuglum í löngum púttum og lét það greinilega ekki slá sig út af laginu hve fast Mickelson sótti skyndilega að honum síðasta daginn í dag.

Ég segi "Til hamingju Darren Clarke!" Hann átti þetta svo sannarlega skilið og kominn tími til að landa sigri á British Open.