Málefnastaða Íslands

.. í Icesavemálinu er sterkari en margir Íslendingar halda, ekki síst í ríkisstjórn Íslands. Þetta er órækt merki þess að Bretar vilja ekki standa fyrir slæmu máli sínu í réttarsal berskjaldaðir með kúgandi athæfi sitt gagnvart Íslandi í málinu frammi fyrir heiminum.

Athugasemd Sigmundar framsóknarmanns í fréttunum í gær hefur e.t.v. skotið þeim skelk í bringu til viðbótar við klúðrið á fundinum í gær þar sem íslenska sendinefndin ásamt öðrum  "gengu af fundi" snubbóttum. Þar hafa Bretar e.t.v. gert sér grein fyrir því að Íslendingum væri nokkur alvara í því núna að minnka undirlægjuhátt sinn og þrælsótta, jafnvel láta varanlega af honum í þessu máli.

Betur ef svo væri, enda löngu tímabært.

Leynifundur um Icesave

Athugasemdir

[Sigrún Óskars, 28.2.2010 kl. 11:41]

innlitskvitt

fór aðeins í tónlistarspilarann þinn og hlustaði á lögin Landið sem var og Ef sérðu. Þetta eru bara fínustu lög hjá þér. flottur gítarleikur í Ef sérðu.

[Kristinn Snævar Jónsson, 28.2.2010 kl. 13:36]

Þakka þér fyrir upplífgandi athugasemdir.

Mér sýnist á bloggsíðunni þinni að þú sért náttúrubarn m.m. Það er einmitt svoleiðis fólk sem fattar best texta eins og í laginu Landið sem lengi var og Hvar verða móar?.
Hins vegar er enn meiri þörf á því að þeir sem ekki hafa uppgötvað náttúrubarnið í sér komist í skilning um hvað um er að ræða og hvað um er að tefla. Textinn í Ef sérðu hnýtir þetta saman við heilandi viðhorf almennt til náunga og umhverfis; lífsumhverfi okkar.

Til að fyrirbyggja hugsanlegan misskilning þá eru lögin á plötunni Kveikjur útsett af snillingnum Vilhjálmi Guðjónssyni og hann leikur á gítara og fleira. Aðrir hljóðfæraleikarar á plötunni eru úr úrvalsliði íslenskra tónlistarmanna: Jóhann Ásmundsson á bassa og Kristinn Svavarsson á saxófón (báðir í Mezzoforte), Ásgeir Óskarsson úr Stuðmönnum á trommur og slagverk. Ari Jónsson úr Roof Tops m.m. syngur í flestum lögunum, m.a. þeim sem þú vísar til. Tveir aðrir söngvarar eru líka á plötunni, Arnar Freyr Gunnarsson (Látúnsbarki nr. 2) og Birgir Haraldsson (Gildran).
Höfundur laga og texta er hins vegar sá sem hér ritar.

PS. Sjá nánar um plöturnar mínar og textana á vefsíðunni www.krisjons.com og öll lögin á tónlistarsíðunni gogoyoko: http://www.gogoyoko.com/#/artist/KrisJons